اختبار الدباشه
اذا كنت ترا في نفسك الدباشه الكافيه لخوض هذا الاختبار
فتعال خضه
ولا ورنا مقفاك
هالاسئله هي اختبار لدباشة الاعضاء بالمنتدى ..
واللي نشوف ان اجوبته تناسب انه يكون دبشه راح ينضم إلى حزبنا
واللي موب دبشه وجالس يتديبش علينا
له اشد العقاب وسوف لن نظمه لقائمه الدبش
المهم
هذي هي الاسئله
صفراً :
وش اسمك ؟؟ وتكلم لنا عن نفسك قليلا ؟؟ يعني بلغه الدبش " وش انت من لحيه " ؟؟
اولاً :
اذا قمت من النوم وش اول شيء تسويه ؟؟
ثانياً :
اذا لقيت اختك او اخوك بالحمام وش تسوي ؟؟
ثالثاً :
لقيت امك جالسه قدام التلفزيون بالصاله .. وش راح تسوي ؟؟
رابعاً :
ابوك رد على التلفون وصرف اللي داق لو كان يبين .. كيف راح تصرفه ؟
خامساً :
شفت بزر من اخوانك او قرايبك معه خمس مية ريال .. وش ردة فعلك ؟؟
سادساً :
فتحت المنتدى .. ولقيت موضوع بايخ .. وش تسوي ؟؟
سابعاً :
وانت تتمشى بالمنتدى .. لقيت موضوع طويل ومتعيجز تقراه .. ؟؟ ترد عليه ولا تسحب ولا وش تسوي ؟؟
ثامناً :
دق الجوال وانت متحمس بالنت .. وش تسوي ؟؟
تاسعاً :
مصرف واحد وفجأه لقيته قدامك بالشارع ولا بالسوق .. وش تسوي ؟
عاشراً :
لو طلعت النتيجه انك راسب باختبار الدباشه وش بتسوي ؟؟
خمسطعشاً :
وش ودك تقول لرؤساء حزب الدباشه " زياد + حته " ؟
احدعشاً :
اذا شفت السكين وش تفكر به ؟
عشريعشناً :
لو قالوا لك ترجع الى اي زمن . . . وش تختار ولماذا ؟؟
خمسوعشريعشناً :
لو صرت قطو . . . وشي اول امنياتك ؟؟
ياليت الكل يجاوب على هالاختبار وحنا راح نقيم الاختبار بعد مانشوف الاجوبه
وراح نعلن قائمة الدبش الناجحين
الثلاثاء أغسطس 07, 2007 2:43 pm
